السلام عليكم ورحمة الله وبركاتة
مشكلتى اليوم تتحدث عن عدم الثقة فى الأبناء
أو أنهم خائفين عليهم
لا أعلم عندما أذهب يوما وأقابل بعض الأصحاب واحدثهم أننى ذاهبة إلى النادى
لكى أقوم ببعض الأعمال التطوعية أو حتى أقوم بقراءة بعض الكتب
وأقترح عليهم الهذاب معى فيكون ردة الفعل......
لا طبعا مستحيل يابنتى ندخل النادى
ده للشباب بس.......!!!!!!
طيب ليه مين قالكم كده؟
أصلا والدى مش هيوافق أو والدتى بيقولوا عيب وإحنا مش نرضاها لنفسنا
أقولهم على كده بقى أنا مش كويسة لأنى بدخل نادى
يقولوا لا مش قصدنا بس كل واحد واهله بقى
أقولهم بالعكس لو أهلك موافقين إنك تروحى نادى وواثقين فى النادى وفيكى
يبقى متفهمين مع إحترامى يعنى للجميع
لأنك مش هتروحى تلعبى مثلا ولا هتروحى تتكلمى مع الشباب
إنتى رايحة لحاجه فى دماغك مش هتغيريها
والحمد لله أنا وصلت لمراحل تطوير كتيييييرة
يعنى مثلا زورت الأقصر وأسوان وقعدت أسبوع هناك
وزورت الإسكدنرية أسبوع برضو وزورت الإسماعيلية
وأخيرا من شهر بالظبط كنت فى رأس البر
وكل الأماكن دى شفت فيها حاجات مفيدة وجميلة واعمال تطوعيه رائعه
ده غير الشغل إللى فى النادى نفسة
طبعا كل ده كان فى مركز شباب الرياض ..........
ورحلة الإسماعيلية كانت طبعا تابعه لمركز شباب برمبال
بس للأسف الشديد مكملتش بسبب إللى حصل فى النادى
من قبل بعض الأشخاص
وكمان من قبل بعض الشباب وهوه ده إللى بيخلى الاهالى يعدموا الثقة فى النادى بتاعنا
طيب ليه منحطش حدود للناس دى............!!!!!!!
طبعا فهمتونى.؟؟؟
بتمنى إننا نرجع الثقة تانى فى أهالى برمبال لأبنائهم
وللنادى علشان نقدر نشتغل ونعمل أعمال تطوعية كتير
إنتو إيه رأيكم؟؟؟ فى حكاية الثقة دى
هل هى مشكلة فى الأهل ولا فعلا مشكلة فى النادى ؟؟ ولا بقى مشكلة فى الأبناء؟؟؟؟؟؟
وإيه الحل؟؟؟
